|
Guddoomiye Hay'adda Samafalka Dooxo oo u mahad celiyay Famudo Xabbad, gabdhaha reer Dooxo ee London iyo Sweden. |
|
Muqdisho, Sep, 07, 2008 (COL) Waxaa maanta oo Axad ah ah la filayaa in uu soo gaba gaboobo safarkii Madaxa Hay'adda Samafalka Dooxo ee dalka Canada Mrs Faadumo Maxamuud Xabad ay ku maraysay wadamo ka tirsan Yurub, kaas oo daqli uruurin ay ugu sameynaysay dhismaha isbitaalka siyaad dherya dhoob, gaar ahaan qaybta dhallaanka iyo hooyada. Sida uu shabakadda Ceelbuur Online u xaqiijiyay Guddoomiyaha HSD Mudane Bashiir C/llaahi waxaa maalinta oo Axad ah ku eg dhaqaale aruurintii F. xabbad ka samaynaysay wadamo ka tirsan Yurub gaar ahaan Ingiriiska iyo Sweden, iyadoo gabdhaha reer dooxo ee ku nool London iyo Sweden ay bixiyeen taageero dhaqaale oo wax ku ool ah. Guddomiye Bashiir waxa uu si weyn ugu mahadceliyay Faadumo Xabbad dhaqaale uruurintii ay kasameysay Sweden iyo London iyo waqtigeeda qaaliga ah ay u hurtay howlaha horumarineed ee dadka iyo degaanka Dooxa. Mudane Bashiir waxa uu iyana u mahadceliyay dadkii ka qayb qaadatay dhaqaale aruurintaas, gaar ahaan gabdhaha reer Dooxo ee Sweden iyo London gacan furnaantii ay muujiyeenta iyo sida ay ugu heelan yihiin in ay bixiyaan wixii karaankoda ah si loogu caawiyo hooyooyinka walaalahood ah ee ku dhibaataysan gudaha dalka gaar ahaan degaanada Dooxa oo aan haatan leheyn goob fayo dhowr ah marka laga reebo isbitalka haatan dhismihiisa uu socdo qeybo ka mid ahna ayba gabo gabo ku dhow yihiin..
Sidoo kale
guddoomiyaha waxa ugu baaqay gabdhaha reer Dooxo ee ku nool waddamada kale
ee caalamka inay
ku daydaan walaalahood muxsiniinta ah, taageeraana dhismaha qaybta dhallaanka iyo hooyada ee
isbitalka siyaad dheryodhoob ee haatan sida habsamida leh
uu dhismihiisa uga socdo deegaanka
Ceelgaras ee Gobolka Galgaduud.
|
