Muqdisho, Jan, 25, 2009 (COL) Waxaa  01/20/2009 lagu wareejiyay agaasimaha Isbitalka S.D.D.H Xasan Xuseen Xirsi qaar Qalabkii isbitalka (Hospital Equipments) uu adegsan lahaa, waxaana qalabkaa agaasimaha guddoonsiiyay Xoghayaha Caafimaadka Hay'adda samafalka Dooxa Dr Cismaan Cabdulle Faarax.

Qalabkaan ayaa waxaa lagu sii furi doonaa qeyta haatan dhameystiran ee Block A, iyadoo dhismaha qeybtan ay dhammaatay dabayaaqadii sanadkii hore, waxaana haatan uu u baahan yahay qalabeyn buuxda.

Sidoo kale qeybta Block C (Hooyada iyo Dhallaanka) wuxuu haatan ku dhow yahay gabogabo, alle haduu idmo waxaa lagu wadaa in mar dhow la daboolo.

Dhismaha Hooyada iyo Dhalaanka oo Saqaf saar oo kaliya u harsan yahay iyo Dhismaha Block A oo bilicsan oo gees ka muuqda

 “Waxaan u mahadcelinayaa dhammaan intii iska xilsaartay arrimaha Isbitaalka Siyaad Dheryo-Dhoob” ayuu yiri Mudane Iidow oo ah Wakiilka Dhismaha Isbitalka ee HSD.

Mudane Iidow waxa uu ka digay joogsashada dhismaha Isbitalka maadaama haatan uu gabaabsi yahay Qarashaadkii lagu wadi lahaa Dhismaha ISbitalka qeybaha haatan haray.

“Waxaa gabaabsi nagu ah kharashkii dhismaha lagu wadi lahaa, Haddii aan si degdeg ah loo helin kharashaadkii ay jaaliyaduhu ballanqaadeen, dhismuhu ma sii socon doono.”

Iskastaba ha ahaatee alle (SXW) waxa uu u ballan qaaday dadka muxsiniinta ah ee maalkooda alle siiyay wax ka bixiya uusan ajarkooda dayici doonin, sidaa daraadeed waxaa hubaal ah in qofkaasi abaalmarintiisa ay aduunka ugu iman doonto ama Aakhro uu heli doono.

Ali Abdi Sh. Axmed (Alimahad)
Calimahad03@hotmail.com
Ceelbuur Online
Xafiiska Muqdisho                      

 Nagala soo xiriir:webmaster@ceelbuuronline.com
 © Ceelbuur Online